2018/06/18

EL SECRETO CHINO

Kaixo! Berandu xamar bada ere, hemen duzue Gaztelerako ikasgaian prestatutako "El Secreto Chino" anztezlana. Aipatzekoa da ikasleak izan direla, ipuin batean oinarriturik, gidoia prestatu dutenak, historiako gertakizunez informatzen aritu direnak eta baita txotxongiloak egin dituztenak ere! Lan bikaina egin dute eta gustura gainera! Bejondeizuela!



2018/06/13

2. MAILAKOAK BISITAN


Gaur goizean 2.B-ko ikasleak gelara etorri zaizkigu beraien proiektua azaltzera: nola pasatzen da arrautzatik txita izatera?
Txundituta geratu gara egin duten lana ikusita! Oso proiektu polita eta interesgarria izan da eta 2b-koak oso harro zeuden. 
Badute horretarako arrazoia!  Zorionak!






2018/06/05

GELA NEURTZEN!


Kaixo lagunak!

Luzera neurriak ikasten ari gara oraingo honetan eta, ikasitakoa praktikan jartzeko asmoz, neurriak hartzen hasi gara; eta, zer da gertuen daukaguna? Ba, gela bera. Beraz, lanari ekin diogu eta, hainbat oztopo gainditu ondoren (altzariak, armairuak, zutabe batzuk...) hau da talde guztiok ikusi duguna: gure gelak  8m eta 20cm luze eta  7m eta 10cm zabal dauzkala eta laukizuzen formakoa dela (ia ia karratua).
Ikusi, ikusi zein langile egon garen! Edozer neurtzeko prest gaude!







2018/05/28

EURIARI BELDURRIK EZ!!


Kaixo lagunak!

Lehengo ostiralean kurtso bukareako mendi-irteera egin genuen. Eskolatik atera, Ubaretik pasatu eta Fraisoro aldera joan ginen (Ateaga, Legarreta). Buelta, Sacen-etik egin genuen.
Gure asmoa Etxe-Ondoko parkean bazkaltzea zen baina nahiko eguraldi kaxkarra egin zigun eta bazkaria, aldameneko auzoan egin behar izan genuen.
Hala ere, primeran pasatu genuen!!!






































2018/05/22

EZUSTEKO BISITA!!


Gaur goizean Jon Pazos (5. mailako Xuharren aita) eskolara etorri da bisitan eta lagun batzuk ekarri ditu berarekin. Oso gauza interesgarriak kontatu dizkigu eta txakurrekin egoteko aukera polita izan dugu (guretako batzuk ere beldur piska bat bagenuen..). Gustora egoteaz gain, azpimarratu nahi izan  digu maskota bat edukitzeak nolako ardura handia suposatzen duen: elikatu, garbitu, paseatzera eraman, albaitariarengana eraman, ondo portatzen irakatsi... Buuff! Ez da hain erraza!!

Mila mila esker Jon!









2018/05/15

LAGUN BERRIA DAUKAGU GELAN!

Gaur lagun berria etorri zaigu 4B gelara: Siriatik etorritako neska bat da eta Fatima du izena. Badaki euskaraz pittin bat baina, momentuz, gelan dauzkagun zenbait ikasleri esker berarekin arabiarrez komunikatzen gara. Baietz hemendik gutxira euskara piloa ikasi!
Ongi etorria, Fatima, gelan daukagun aniztasuna aberastuko duzu eta!



2018/05/11

SIMETRIAREKIN JOLASEAN!


4. mailan simetriarekin, neurriekin, angeluekin... buru-belarri gabiltza baina ez pentsa gaizki pasatzen dugunik!  Oraingo honetan Matematika eta Plastika uztartu ditugu eta... begira zein ondo ari garen bikoteka lana egiten!